শিক্ষক তথা যুৱ লেখক জিতুল বৰালৈ 'গৌৰৱ বঁটা-২০১৯' প্ৰদান

মাজুলীৰ পৰা ৰাজীৱ পাতিৰৰ প্রতিবেদন : 

 মাজুলীৰ ৬৫ নং বালিচাপৰি প্ৰাথমিক বিদ্যালয়ৰ প্ৰধান শিক্ষক তথা যুৱ লেখক জিতুল বৰালৈ 'গৌৰৱ বঁটা -২০১৯' আগবঢ়োৱা হৈছে। সদৌ অসম প্ৰাথমিক টে'ট উত্তীৰ্ণ শিক্ষক সমাজে কেন্দ্ৰীয়ভাৱে কলিয়াবৰৰ মুক্তিযুজাৰু ভৱনত অনুষ্ঠিত কৰা ৫৮ সংখ্যক শিক্ষক দিৱসত শিক্ষক তথা যুৱলেখক জিতুল বৰাক এই  বঁটা প্ৰদান কৰে অসম ৰাজ্যিক প্ৰাথমিক শিক্ষক সন্মিলনীৰ প্ৰধান সম্পাদক ৰাতুল চন্দ্ৰ গোস্বামীয়ে   ।  সদৌ অসম প্ৰাথমিক টে'ট উত্তীৰ্ণ শিক্ষক সমাজৰ কেন্দ্রীয় সভাপতি ত্ৰৈলক্য ডেকা, সাধাৰণ সম্পাদকদ্বয় মিৰাজুল ৰছিদ আৰু দীপাৰ্ণৱ ঘোষৰ উপৰিও অসম চৰকাৰৰ জলসম্পদ তথা তথ্য প্ৰযুক্তিৰ মন্ত্ৰী কেশৱ মহন্ত, বিশিষ্ট সাংবাদিক তথা চিন্তাবিদ অদীপ কুমাৰ ফুকন,  জ্যেষ্ঠ সাংবাদিক দ্বয় ৰাজদ্বীপ বাইলুং বৰুৱা আৰু পৰাগমনি আদিত্য, যুৱ নেতা মনিমাধৱ মহন্ত আদি উপস্থিত থাকে।বৰাই ইয়াৰ পূৰ্বে  স্বাধীনতা দিৱসৰ লগত সংগতি ৰাখি ‘ইণ্ডিয়া ষ্টাৰ বুক অফ ৰেকর্ড’ সংস্থাই ভাৰতবর্ষৰ বিভিন্ন দিশত অৰিহনা আগবঢ়োৱা ব্যক্তি সকললৈ  আগবঢ়োৱা ‘ইণ্ডিয়া ষ্টাৰ পেচন এৱার্ড’ -২০১৯,সমতা সাহিত্য অকাডেমিৰ পৰা 'শিক্ষক ৰত্ন’ সন্মান-২০১৯,'নদী আৰু নাৰী' কহিনুৰ বুক ৰেকৰ্ডছ ২০১৮ ৰ অশংগ্ৰহনকাৰী, 'আম্বেডকাৰ ফেলশ্বিপ সন্মান-২০১৭' আদি সন্মান লাভ কৰিবলৈ সক্ষম হৈছিল।উল্লেখ্য যে বৰাই শিক্ষকতা বৃত্তিৰ সমান্তৰালকৈ বিভিন্ন বাতৰি কাকততো বিগত কেইবাবছৰো ধৰি নিৰবচ্ছিন্নভাবে মননশীল লেখা লিখি আহিছে। আৰু অতি কম সময়ৰ ভিতৰতে জিতুল বৰাই পাঠক সমাজৰ মাজত  সমাদৰ লাভ কৰিবলৈ সক্ষম হৈছে। তেখেতৰ প্ৰকাশিত তিনিখন গ্ৰন্থ হৈছে 'উপাসনা’-২০১৭, 'চিন্তা আৰু আলাপ’-২০১৮, 'বিশ্বৰ কুৰিগৰাকী মহান মনীষী’-২০১৯। উল্লেখযোগ্য যে,জিতুল বৰা উত্তৰ-পশ্চিম যোৰহাটৰ খঙীয়াচুক গাঁৱৰ পুতুল বৰা আৰু ফুলমাই বৰাৰ সন্তান। বৰাৰ এনে সাফল্যত কৰ্মস্থান মাজুলীৰ লগতে জন্মস্থান যোৰহাটতো বহু গুণমুগ্ধ আনন্দিত হোৱাৰ লগতে বিভিন্ন দল-সংগঠনে বৰালৈ শুভেচ্ছা জনাইছে।