উপাৰ্জনৰ দিশত অসমীয়াৰ ছবিৰ ইতিহাসত শেহতীয়াভাৱে কাঞ্চনজংঘা, ৰত্নাকৰৰ ব্যাপক সফলতাৰ পিছত ৮ নৱেম্বৰত ছবিঘৰলৈ আহিব আন এখন অসমীয়া ছবি।বিশ্ববৰেণ্য শিল্পী ডঃ ভূপেন হাজৰিকাৰ 'আমি অসমীয়া নহওঁ দুখীয়া' শীৰ্ষক গীতটোৰ দ্বাৰা অনুপ্ৰাণিত হৈ  পৰিচালক মিৰ্জা আৰিফ হাজৰিকাই নিৰ্মাণ কৰা 'অস্তিত্ব 'নামৰ ছবিখন শীঘ্ৰে ছবিগৃহলৈ আহিব।গুৱাহাটীকে ধৰি অসমৰ ৩৬ টাকৈ ছবিগৃহত মুক্তি লাভ কৰিব লগা ছবিখন সন্দৰ্ভত সোমবাৰে গুৱাহাটী প্ৰেছ ক্লাবত এক সংবাদমেলৰ জৰিয়তে জানিবলৈ দিয়ে পৰিচালক মিৰ্জা আৰিফ হাজৰিকাই।