সুৰা মুক্ত অসমৰ পক্ষত কৃষক মুক্তি সংগ্ৰাম সমিতি

সোণাৰিৰ পৰা ঘন বড়া
সোণাৰিত সুৰা মুক্ত অসমৰ দাবীত গণ বিক্ষোভ কৃষক মুক্তি সংগ্ৰাম সমিতি।অবৈধ সুৰাক লৈ চিন্তিত সমগ্ৰ অসম। বিষাক্ত চুলাই মদ সেৱণ কৰি শতাধিক ব্যক্তিৰ প্ৰাণনাশ হোৱাত যেন অসমখন এখন মৃত্যু উপত্যকাত হে পৰিণত হৈছে। সকলোৱে একেমুখে দাবী জনাইছে এখন সুৰামুক্ত ৰাজ্য গঢ়ি তোলাৰ। চৰাইদেউ জিলাৰ সোণাৰিৰ লাচিত উদ্যানৰ প্ৰাংগণত এখন সুৰা মুক্ত অসম গঢ়াৰ দাবীত আন্দোলনত নামিল কৃষক মুক্তি সংগ্ৰাম সমিতি চৰাইদেউ জিলা সমিতি।

উল্লেখ্য যে, গোলাঘাট আৰু যোৰহাট জিলাত বিষাক্ত চুলাই মদ সেৱণ কৰি অকালতে মৃত্যু হোৱা সকলৰ বাবে চৰকাৰ তথা আৱকাৰী বিভাগক জগৰীয়া কৰাৰ লগতে বিভাগীয় মন্ত্ৰী পৰিমল শুক্লবৈদ্যক পদত্যাগ কৰাৰো দাবী জনায় সংগঠনটোৱে। লগতে চৰকাৰক এই ক্ষেত্ৰত ব্যৱস্থা গ্ৰহণ কৰি এখন সুৰা মুক্ত অসম নিৰ্মাণৰ বাবে দাবী জনায়।