সংক্ষিপ্ত খবৰ

# ছিডনী টেষ্টৰ তৃতীয় দিনা সংকটত অষ্ট্ৰেলিয়া৷ প্ৰথম ইনিংছত ২৩৬ ৰাণত ৬টা উইকেট হেৰুৱাই ফল'অনৰ দিশে অষ্ট্ৰেলিয়া৷ বেয়া বতৰৰ বাবে নিৰ্ধাৰিত সময়ৰ পূৰ্বে খেল বন্ধ ৰাখে আম্পায়াৰদ্বয়ে৷

# কৃষকসকল কংগ্ৰেছৰ বাবে কেৱল ভোট বেংক৷ ঋণ ৰেহাইৰ নামত কংগ্ৰেছে কৃষকক বিভ্ৰান্ত কৰিছে- প্ৰধান মন্ত্ৰী নৰেন্দ্ৰ মোডী৷
উত্তৰ প্ৰদেশৰ সৎ, নীতিনিষ্ঠ আৰু কঠোৰ আই এ এছ বিষয়া হিচাপে খ্যাত বি চন্দ্ৰকলাৰ বাসগৃহত চি বি আইৰ তালাচী৷ এবছৰতে সম্পত্তি বৃদ্ধি হৈছিল ৯০ শতাংশ পৰ্যন্ত৷

# শ্ৰীনগৰত শোকাবহ ঘটনা৷ এটা বাসগৃহত শুই থকা অৱস্থাত উশাহ-নিশাহ বন্ধ হৈ ৫জন লোকৰ মৃত্যু৷

# আজি পুৱা হিমাচল প্ৰদেশৰ চিৰম'ৰত বাছ দুৰ্ঘটনা৷ ৫গৰাকী শিশু-বিদ্যাৰ্থীৰ সৈতে ৬জন ব্যক্তিৰ মৃত্যু৷

# নতুন দিল্লীৰ যন্তৰ-মন্তৰত কোচ ৰাজবংশী সংগঠনৰ প্ৰতিবাদী কাৰ্যসূচী৷ কোচ ৰাজবংশীক জনজাতিকৰণ নকৰাৰ বাবে কেন্দ্ৰীয় চৰকাৰৰ বিৰুদ্ধে প্ৰতিবাদ৷ কমতাপুৰ গঠনৰ দাবী উত্থাপন৷

# চৰাইদেউ মহোৎসৱত ৰাজ্যৰ পৰ্যটন বিভাগক সমালোচনা জনপ্ৰিয় কণ্ঠশিল্পী জুবিন গাৰ্গৰ৷ পৰ্যটনৰ ব্ৰেণ্ড এম্বেছাডৰ হিচাপে প্ৰিয়ংকা চোপ্ৰাৰ নিযুক্তিক লৈ প্ৰশ্ন উত্থাপন৷ পৰ্যটন বিভাগৰ বিজ্ঞাপনত অসমৰ বন্য জীৱনক উপযুক্তভাৱে প্ৰদৰ্শন নকৰাৰ অভিযোগ৷

# দৰঙৰ দলগাঁৱত বাগিচাকাষ গাঁৱত চৰকাৰী আঁচনিৰ পুখুৰী খন্দাক লৈ দুটা ফৈদৰ সংঘাত৷

# ডিমা হাচাও জিলাৰ হাফলঙত আৰক্ষীৰ অভিযানত ডি এন এ উগ্ৰপন্থী সংগঠনৰ কেডাৰ গ্ৰেপ্তাৰ৷ এছল্ট ৰাইফল, পিষ্টল, গুলী উদ্ধাৰ৷

# দেওবাৰৰ পৰা বোকাখাত গ্ৰন্থমেলা৷ চাহ জনজাতি কল্যাণ বিভাগে তিনিদিনীয়াকৈ আয়োজন কৰিছে গ্ৰন্থমেলাৰ৷

# বাইহাটা চাৰিআলিৰ মদন কামদেৱত জব্দ এখন ট্ৰাক আৰু ট্ৰেক্টৰ৷ অবৈধভাৱে মাটি কঢ়িওৱাৰ অভিযোগত চিলা বনাঞ্চলিক বিষয়াই কৰিলে জব্দ৷