অসম পৰ্বতাৰোহন সন্থাৰ আজিৰে পৰা ৩১তম শিশু দুঃসাহসিক অভিযোজন শিবিৰ

নিউজ ডেস্ক:

অসম পৰ্বতাৰোহন সন্থাৰ উদ্যোগত আজিৰে  পৰা দুদিনীয়াকৈ  আয়োজন কৰা হৈছে ৩১তম শিশু দুঃসাহসিক অভিযোজন শিবিৰ।শনিবাৰে এই শিবিৰৰ শুভাৰম্ভনি হয় গুৱাহাটী ৰাজ্যিক চিৰিয়াখানাৰ প্ৰাংগণত। শিশু শিবিৰৰ শুভ উদ্বোধন কৰে সন্থাৰ সভাপতি কিশোৰ বৰুৱাই লগতে অনুষ্ঠানটোৰ ফ্লেগ অফ কৰে  সন্থাৰ জ্যেষ্ঠ সদস্য ডঃ দেবেন মহন্ত আৰু পাৰ্বতীপ্ৰসাদ গৌতমে।

উল্লেখ্য যে , লখিমপুৰ, গোলাঘাটকে ধৰি গুৱাহাটীৰ সমীপৱৰ্তী বিভিন্ন স্থানৰ পৰা মুঠ ৮০ গৰাকী শিশুৱে অংশগ্ৰহন কৰিছে। 

শিবিৰত শিশুসকলক প্ৰশিক্ষকে বিভিন্ন দুঃসাহসিক ক্ৰীড়া কৌশল যেনে বাৰ্মা ব্ৰিজ, মাংকি ক্ৰাউলিং, ৰাফটিং, আৰ্টিফিচিয়েল ৱাল ক্লাইম্বিং আদি প্ৰশিক্ষণ প্ৰদান কৰিব।