অভিযোগনামা দিয়াত ব্যৰ্থ আৰক্ষী: জামিন বিধায়ক শ্বেৰমান আলিৰ

নিউজ ডেস্ক:

আৰক্ষীৰ অভিযোগনামা দাখিলত ব্যৰ্থতাৰ বাবে অসম আন্দোলনৰ শ্বহীদক অপমান কৰাৰ গুৰুতৰ অভিযোগত গ্ৰেপ্তাৰ হোৱা বাঘবৰৰ বিধায়ক শ্বেৰমান আলী আহমেদৰ জামিন মঞ্জুৰ।২মাহ ৪দিনৰ অন্তত মুকুলি আকাশৰ তললৈ বিধায়ক শ্বেৰমান আলী।৬০টা দিন জেলত  বন্দী হৈ আছিল বিতৰ্কিত বিধায়ক গৰাকী।উল্লেখ্য যে অসম আন্দোলনৰ শ্বহীদক ঘাটক আখ্যা দি বিতৰ্কৰ আৱৰ্তত সোমাই পৰিছিল শ্বেৰমান ।অসমবাসীথ দাবীত ২ অক্টোবৰত  দিছপুৰৰ বিধায়ক আবাসৰ পৰা পাণবজাৰ আৰক্ষীয়ে গ্ৰেপ্তাৰ কৰিছিল।কেইবাটাও ধাৰাত ৰুজু হৈছিল গোচৰ।পানবজাৰ থানাৰ 
৫১০/২০নং গোচৰত শুকুৰবাৰে জামিন পাইছিল।কিন্তু গীতানগৰ থানাৰ ৪০৬/২১নম্বৰৰ গোচৰত বন্দী হৈ আছিল শ্বেৰমান।

গুৰুত্বপূৰ্ণ কথা এই যে দুয়োটা গোচৰতে একেই ধাৰা সন্নিবিষ্ট হৈ আছিল।
১৫৩/১৫৩(ক) আই.পি.চি ধাৰাত বিধায়ক গৰাকীৰ বিৰুদ্ধে সংলগ্ন কৰা হৈছিল।কিন্তু তদন্তকাৰী আৰক্ষীয়ে নিৰ্দিষ্ট সময়ৰ ভিতৰত  অভিযোগনামা আদালতক দাখিল কৰিব নোৱাৰিলে।

কামৰূপ জিলাৰ মুখ্য ন্যায়িক দণ্ডাধীশৰ আদালতে ২০হাজাৰ টকাৰ বেল বণ্ডত জামিন প্ৰদান কৰে।

উল্লেখ্য যে , মুঠ ৩টাকৈ গোচৰ আছিল শ্বেৰমানৰ বিৰুদ্ধে।মুখ্যমন্ত্ৰীৰ বিশেষ তদাৰকী শাখাৰ গোচৰত ইতিমধ্যে লাভ কৰিছিল জামিন।