গুৱাহাটীৰ কোন তিনিটা ৱাৰ্ডত সোমবাৰৰ পৰা কণ্টেইনমেণ্ট জ’ন প্ৰত্যাহাৰ হ’ব পঢ়ি জানি লওক

ক'ৰ’না আক্রান্ত হ্ৰাস পোৱাৰ বাবে গুৱাহাটীৰ তিনিটা ৱাৰ্ডত সোমবাৰৰপৰা কণ্টেইনমেণ্ট জ’ন প্ৰত্যাহাৰ কৰা হ’ব।মহানগৰীৰ ৮,১৬ আৰু ২৮ নং ৱাৰ্ডত সোমবাৰৰ পুৱা ৫ বজাৰ পৰা কণ্টেইনমেণ্ট জ’ন প্ৰত্যাহাৰ হ’ব ।এক জাননী যোগে এই কথা প্ৰকাশ কৰিলে কামৰূপ (ম) দুৰ্যোগ প্ৰসমন বিভাগে।

উল্লেখ্য শেহতীয়া দুটা সপ্তাহ ৱাৰ্ড কেইটাত আক্রান্তৰ সংখ্যা হ্ৰাস পোৱাৰ বাবে কণ্টেইনমেণ্ট জ’ন প্ৰত্যাহাৰ কৰা হৈছে বুলি জাননীখনত কোৱা হৈছে।লগতে ৱাৰ্ড তিনিটাৰ বাসিন্দাক সামাজিক দূৰত্ব বৰ্তাই ৰাখিবলৈ আহ্বান জনাইছে জাননীখনত।

গুৰুত্বপূৰ্ণ কথা কামৰূপ(ম) জিলাৰ বহুকেইটা ৱাৰ্ড কণ্টেইনমেণ্ট জ’নৰ কবলত আছে।জিলাখনত দ্ৰুত গতিত আক্রান্তৰ সংখ্যা বৃদ্ধি পোৱাৰ বাবে ৱাৰ্ড পৰ্যায়ত জাৰি কৰা হৈছিল কণ্টেইনমেণ্ট জ’ন।