মাতৃ-পত্নীৰ উপস্থিতিত ৰাজ্যৰ ১৫ সংখ্যক মুখ্যমন্ত্ৰীৰূপে শপত গ্ৰহণ ডঃ হিমন্ত বিশ্ব শৰ্মাৰ

ৰাজ্যৰ ১৫ সংখ্যক মুখ্যমন্ত্ৰী হিচাপে দায়িত্বভাৰ গ্ৰহণ কৰিলে ডঃ হিমন্ত বিশ্ব শৰ্মাই।শ্ৰীমন্ত শংকৰদেৱ কলাক্ষেত্ৰত মুখ্যমন্ত্ৰী হিচাপে শপত গ্ৰহণ কৰে ডঃ শৰ্মাই।মুখ্যমন্ত্ৰীক শপত বাক্য পাঠ কৰোৱাই ৰাজ্যপাল জগদীশ মুখীয়ে।

শ্ৰীমন্ত শংকৰদেৱ আন্তৰ্জাতিক প্ৰেক্ষাগৃহত অনুষ্ঠিত গাম্ভীৰ্যপূৰ্ণ শপত গ্ৰহণস্থলীত উপস্থিত থাকে বিৰোধীৰ নেতৃত্ব তথা বিধায়ক।

ইফালে,বিজেপিৰ ৰাষ্ট্ৰীয় সভাপতি জেপি নাড্ডাসহ কেইবাগৰাকীও ৰাষ্ট্ৰীয় নেতা উপস্থিত থাকে শপত গ্ৰহণত।

সম্পূৰ্ণ জাতীয় সাজ পৰিধান কৰি শপত লয় ডঃ শৰ্মাই।পুত্ৰৰ শপত গ্ৰহণৰ সাক্ষী হৈ ৰ'ল মাত মৃণালিনী দেৱী,পত্নী ৰিণিকি ভূঞা শৰ্মা।

সদ্য প্ৰাক্তন মুখ্যমন্ত্ৰী সৰ্বানন্দ সোণোৱাল প্ৰমুখ্যে উত্তৰ-পূবৰ বহুকেইগৰাকী মুখ্যমন্ত্ৰী উপস্থিত থাকে।

ক'ৰ'না আতংকত মাজতে অনুষ্ঠিত হয় শপত গ্ৰহণ অনুষ্ঠান।মুখ্যমন্ত্ৰী সহিতে শৰ্মা মন্ত্ৰীসভাৰ ১৩গৰাকী কেবিনেট মন্ত্ৰীয়েও শপত গ্ৰহণ কৰে।

ৰাজ্যপাল মুখীয়ে শপত বাক্য পাঠ কৰোৱা কেবিনেট মন্ত্ৰীসকল হৈছে-ৰঞ্জিত কুমাৰ দাস, চন্দ্ৰমোহন পাটোৱাৰী,অজন্তা নেওগ,পৰিমল শুক্ল বৈদ্য,বিমল বৰা,সঞ্জয় কিষাণ,যোগেন মহন,অশোক সিংহাল,পীয়ুষ হাজৰিকা,অতুল বৰা,কেশৱ মহন্ত,ইউজি ব্ৰহ্ম।