শিৱসাগৰৰ পিছত এইবাৰ চাবুৱা থানা সাজু অখিল গগৈক গ্ৰেপ্তাৰৰ বাবে

শিৱসাগৰ সদৰ আৰক্ষীৰ ৰাষ্ট্ৰদ্রোহিতাৰ গোচৰৰ পিছত এইবাৰ চাবুৱা থানাৰ ২৮৯/২০১৯নম্বৰ গোচৰত কৃষক মুক্তি সংগ্ৰাম সমিতিৰ নেতা অখিল গগৈক গ্ৰেপ্তাৰ কৰিবলৈ সাজু আৰক্ষী।চাৰিদিনৰ বাবে শিৱসাগৰ সদৰ আৰক্ষী জিম্মাত থকা অখিলক ইতিমধ্যে ডিব্ৰুগড় জিলা মুখ্য ন্যায়িক দণ্ডাধীশ আদালতত হাজিৰ কৰাৰ নিৰ্দেশ জাৰি কৰা হৈছে।যিকোনো মুহূৰ্তত ডিব্ৰুগড় আৰক্ষীয়ে গ্ৰেপ্তাৰ কৰিব পাৰে কৃষক নেতাজনক। উল্লেখ যে চাবুৱা থানা ভাৰতীয় দণ্ডবিধি- 120B, 147, 148, 149, 336, 353, 326, 307 ধাৰাত গগৈৰ বিৰূদ্ধে ৰুজু হৈ আছে গোচৰ। গুৰুত্বপূৰ্ণ কথা এই যে যোৱা মঙলবাৰে মাওবাদী অভিযোগত 'নিয়া'ৰ গোচৰত জামিন লাভ কৰিছিল কৃষক নেতা গগৈয়ে।জামিন লাভ কৰা কেইমুহূৰ্তমানৰ পিছতে শিৱসাগৰ আৰক্ষীয়ে গুৱাহাটী কেন্দ্ৰীয় কাৰাগাৰত গগৈ কাৰাৰুদ্ধ হৈ থকাৰ অৱস্থাতে ৰাষ্ট্ৰদ্রোহৰ গোচৰত গ্ৰেপ্তাৰ কৰিছিল।