যোৰহাট লোকসভা সমষ্টিৰ সাধাৰণ পৰ্যবেক্ষকৰ চৰাইদেউ জিলাৰ বিষয়াৰ সৈতে সভা

সোণাৰিৰ পৰা ঘন বৰা

যোৰহাট লোকসভা সমষ্টিৰ সাধাৰণ পৰ্য্যবেক্ষক তথা ভাৰতীয় প্ৰশাসনিক সেৱাৰ বিষয়া ডাঃ ৰঞ্জিত কুমাৰ সিনহাই আজি চৰাইদেউ জিলাৰ উপায়ুক্ত কাৰ্যালয়ৰ সভাকক্ষত জিলাখনৰ নিৰ্বাচনী দায়িত্বত নিয়োজিত জিলা প্ৰশাসনৰ বিষয়াসকলৰ লগত এক বৈঠকত মিলিত হয়। জিলা উপায়ুক্ত তথা জিলা নিৰ্বাচনী বিষয়া দীপক কুমাৰ সন্দিকৈ আৰু আৰক্ষী অধীক্ষক আনন্দ মিশ্ৰৰ লগতে জিলা প্ৰশাসনৰ অন্যান্য বিষয়াসকলৰ উপস্থিতিত সম্পন্ন হোৱা উক্ত সভাত নিৰ্বাচনী পৰ্যবেক্ষকগৰাকীয়ে যোৰহাট লোকসভা সমষ্টিৰ অন্তৰ্গত চৰাইদেউ জিলাৰ সোণাৰি আৰু মাহমৰা সমষ্টিৰ নিৰ্বাচনৰ কামকাজৰ অগ্ৰগতি আৰু নিৰ্বাচন সংক্ৰান্তীয় অন্যান্য যাৱতীয় বিষয় সম্বন্ধে জিলা প্ৰশাসনৰ বিষয়াসকলৰ পৰা বুজ লয়।