গুৱাহাটীৰ মেঘদূত ভৱনৰ তিনি মহলাৰ পৰা পৰি এজনৰ মৃত্যু

মহানগৰীৰ মেঘদূত ভৱনত ৰহস্যজনক মৃত্যু । 

মেঘদূত ভৱনৰ ওপৰৰ ছাদৰ পৰা পৰি মৃত্যু এজনৰ । 

বুধবাৰে বিয়লি প্ৰায় ২মান বজাত সংঘটিত হয় এই ৰহস্যজনক ঘটনাটো । 

বৰ্তমানলৈকে জানিব পৰা হোৱা নাই মৃত লোকজনৰ পৰিচয় । 

লোকজনে আত্মহত্যা কৰাৰ সন্দেহ কৰিছে পাণবজাৰ আৰক্ষীয়ে । 

আনহাতে, মেঘদূত ভৱনত থকা একাংশই মূৰ ঘূৰাই পৰা বুলি সন্দেহ কৰে । কিন্তু বৰ্তমানলৈকে জানিব পৰা নাই মৃত্যুৰ প্ৰকৃত কাৰণ । 

মৃত ব্যক্তিজনৰ পিন্ধনত আছে এটা নীলা চুৱেটাৰ আৰু খাকী পেণ্ট ।

ব্যক্তিজনৰ পকেটৰ পৰা উদ্ধাৰ হোৱা নাই কোনো নথি-পত্ৰ ।

উদ্ধাৰ হৈছে মাত্ৰ এখন ৫০০ টকীয়া নোট ।

ব্যক্তিজনৰ থিতাতে মৃত্যু হোৱা বুলি আৰক্ষীৰ সূত্ৰই জানিবলৈ দিয়ে ৷ 

ঘটনাস্থলীত উপস্থিত হৈ পাণবজাৰ আৰক্ষীয়ে মৃতদেহটো প্ৰথমতে মহেন্দ্ৰ মোহন চৌধুৰী চিকিৎসালয়লৈ নিয়ে আৰু পাছত মৰণোত্তৰ পৰীক্ষাৰ বাবে জি এম চি এইচলৈ প্ৰেৰণ কৰে ।