পঞ্চায়ত নিৰ্বাচনৰ বাবে বিজেপিয়ে প্ৰকাশ কৰিলে ইস্তাহাৰ 

গুৱাহাটীৰ ৰাজ্যিক বিজেপিৰ মুখ্য কাৰ্যালয়ত শাসকীয় দলটোৱে উন্মোচন কৰিলে নিৰ্বাচনী ইস্তাহাৰ । অনুষ্ঠানটোত মুখ্যমন্ত্ৰী সৰ্বানন্দ সোণোৱাল, স্বাস্থ্য মন্ত্ৰী হিমন্ত বিশ্ব শৰ্মা, ৰাজ্যিক সভাপতি ৰঞ্জিত দাসৰ লগতে দলীয় বহু নেতা কৰ্মী উপস্থিত থাকে । অনুষ্ঠানটোত উপস্থিত থাকি মুখ্যমন্ত্ৰী সৰ্বানন্দ সোণোৱালে কয় যে-কংগ্ৰেছৰ দিনত পঞ্চায়তত বহু দুৰ্নীতি সংঘটিত হৈছিল । কিন্তু আমি কেতিয়াও পঞ্চায়তত দুৰ্নীতি হ'বলৈ নিদিওঁ । 

তেওঁ লগতে কয়-আমাৰ দৃঢ় বিশ্বাস পঞ্চায়তত আমি আটাইতকৈ শক্তিশালী হ'বলৈ সফল হ'ম আৰু পঞ্চায়ত নিৰ্বাচনত সকলোজন সাধাৰণকে সমৰ্থন জনাবলৈ আহ্বান জনায় মুখ্যমন্ত্ৰী গৰাকীয়ে । অনুষ্ঠানটোত নিৰ্বাচনী প্ৰচাৰৰ বাবে দুটি গীতও উন্মোচন কৰে । য'ত নীল আকাশ আৰু চাজন নায়কে কণ্ঠদান কৰিছে ।