লোকসেৱা আয়োগৰ পৰীক্ষাত বিশেষ কৃতিত্ব গাড়ীগাঁৱৰ নাছিৰুদ্দিনৰ

যোৱা ১৬ নৱেম্বৰত ঘোষিত অসম লোকসেৱা আয়োগৰ পৰীক্ষাত বিশেষভাৱে সাফল্য অৰ্জন কৰিবলৈ সক্ষম হৈছে মহানগৰীৰ গাড়ীগাঁৱৰ যুৱক নাছিৰুদ্দিন আহমেদে ।

কঠোৰ পৰিশ্ৰমেৰে সমবায় সমিতিৰ সহকাৰী পঞ্জীয়ক পদ লাভ কৰে গাড়ীগাঁৱৰ অতি মেধাৱী এইজন যুৱকে । কোনো কোচিং নোহোৱাকৈ নিজেই পঢ়ি এনেদৰে সফলতা লাভ কৰা অসমীয়া মাধ্যমৰ ছাত্ৰ নাছিৰুদ্দিনৰ সফলতাত উৎফুল্লিত পৰিয়ালৰ লগতে বন্ধুবৰ্গ ।

শুদ্ধ পথেৰে ৰাইজৰ সেৱা কৰিবলৈ মন যুৱকজনৰ । এইবাৰৰ অসম লোকসেৱা আয়োগৰ পৰীক্ষা নিকাভাৱে অনুষ্ঠিত হোৱাৰ কথা উল্লেখ কৰে নাছিৰুদ্দিনে ।

উল্লেখ্য যে গুৱাহাটী বিশ্ববিদ্যালয়ৰ সাংবাদিকতা বিভাগৰ পি এইচ ডিৰ ছাত্ৰ নাছিৰুদ্দিন আহমেদ।