সুস্থ জুবিন ঘৰলৈ আহিল:দুমাহৰ পিছত পিতৃৰ কাষত বহি আৱেগিক শিল্পীগৰাকী

সুদীৰ্ঘ দুটা মাহৰ মূৰত কাহিলীপাৰাৰ নিজ গৃহত উপস্থিত যুৱ প্ৰজন্মৰ হাৰ্টথ্ৰৱ শিল্পী জুবিন গাৰ্গ।ঘৰত উপস্থিত হৈ পিতৃক কাষত পাই আৱেগিক হ'ল শিল্পীগৰাকী।পিতৃ আৰু ভগ্নীক কাষত লৈ শিল্পী জুবিনে পত্নীৰ সৈতে উঠিলে বিশেষ ফটো।উল্লেখ যে যোৱা ২৮ ফেব্ৰুৱাৰীত এটা অনুুুষ্ঠানত অসুস্থ হৈ      পৰাৰ  পিছত প্ৰথমবাৰ নিজ গৃহত পিতৃৰ কাষত উপস্থিত হৈছে জুবিন।

গুৰুত্বপূৰ্ণ যে যোৱা সোমবাৰে ৰাতি মুম্বাইৰ পৰা বাছেৰে অসমত আহি উপস্থিত হৈছিল পত্নীৰ সৈতে শিল্পী জুবিন আৰু দুই সহযোগী। তাৰ পাছতে ছোৱাব সংগ্ৰহ কৰা হৈছিল চাৰিওৰে।চাৰিওজনকে হোটেল ৰেডিচন ব্লুত  কোৱাৰেণ্টাইন কৰাৰ পিছত বৃহস্পতিবাৰে সকলোৰে ফলাফল নিগেটিভ অহাত হোটেলৰ পৰা হোম কোৱাৰেণ্টাইনলৈ পঠিওৱা হয়।পৰিয়ালৰ সৈতে এতিয়া ১৪ দিন হোম কোৱাৰেণ্টাইনত থাকিব শিল্পী জুবিন।

উল্লেখ যে যোৱা ৮মে'ৰ পুৱা মুম্বাইৰ আন্ধেৰীৰ পৰা বাছেৰে অসমলৈ ওভতিছিল জুবিন।তাৰ পিছতে সোমবাৰে মাজনিশা ২.৩০বজাত গুৱাহাটীত উপস্থিত হয় জুবিন।গুৰুত্বপূৰ্ণ যে যোৱা ৮মাৰ্চত চিকিৎসাৰ বাবে মুম্বাইতলৈ গৈ লকডাউনত আৱদ্ধ হৈ পৰিছিল শিল্পী জুবিন।