সুখবৰ:জুবিন গাৰ্গ,পত্নী গৰিমা আৰু দুই সহযোগীৰ কোভিড-১৯ টেষ্ট নিগেটিভ

ক'ৰ'নাৰ আতংকৰ মাজতে আছে এটা ভাল খবৰ।মুম্বাইৰ পৰা বাছেৰে মাতৃভূমি অসমত আহি উপস্থিত হোৱা জনপ্ৰিয় শিল্পী জুবিন গাৰ্গ,পত্নী গৰিমা শইকীয়া গাৰ্গ আৰু দুই সহযোগী শিল্পীৰ কোভিড-১৯ টেষ্টৰ ফলাফল আহিল।আটাইকেইজন লোকৰে কোভিড-১৯ টেষ্টৰ ফলাফল নিগেটিভ আহিছে।উল্লেখ যে সোমবাৰে ৰাতি ২.৩০ বজাত গুৱাহাটীৰ সৰুসজাই আহি পাইছিল শিল্পী জুবিন।যোৱা শুকুৰবাৰে মুম্বাইৰ আন্ধেৰীৰ পৰা পুৱা ৭ বজাত পত্নী গৰিমা আৰু দুই সহযোগী শিল্পী পাৰ্থ আৰু সিদ্ধাৰ্থৰ সৈতে শ্লীপাৰ বাছেৰে মাতৃভূমি অসমলৈ উভতিছিল শিল্পী জুবিন।

অসম আহি পোৱাৰ পিছতে সৰুসজাইত তেওঁলোকৰ নমুনা সংগ্ৰহ কৰি ১৪দিনৰ কোৱাৰেণ্টাইনৰ বাবে হোটেল ৰেডিচন ব্লু'লৈ পঠোৱা হৈছিল।

গুৰুত্বপূৰ্ণ যে মুম্বাইত চিকিৎসাৰ বাবে গৈ লকডাউনৰ বাবে জুবিন দুটা মাহ আৱদ্ধ হৈ পৰিছিল।