ক'ৰ'না সংক্ৰমণ:ফাঁচী বজাৰৰ একাংশত কনটেইনমেন্ট জ'ন ঘোষণা

ফাঁঁচী বজাৰত মংলু চাহানীৰ শৰীৰত ক'ৰ'না ভাইৰাছৰ উপস্থিতি ধৰা পৰাৰ পিছতে মঙলবাৰে কামৰূপ মহানগৰ জিলা প্ৰশাসনে কন্টেইনমেন্ট জ'ন ঘোষনা কৰিলে হোটেল ৰাজকমল আৰু তাৰ দাঁঁতিকাষৰীয়া অঞ্চল ৷ 

জিলা প্ৰশাসনে জাৰি কৰা কন্টেইনমেন্ট  জ'নৰ নিৰ্দেশাৱলীত উল্লেখ আছে পূবে এছআৰচিবি ৰোড,পশ্চিমে এমএছ ৰোড, উত্তৰে এমজি ৰোড আৰু দক্ষিণে তৰুণৰাম ফুকন ৰোডলৈ ছীল কৰা হৈছে অঞ্চলটো ৷

প্ৰশাসনৰ পৰৱৰ্তী নিৰ্দেশনা নোপোৱা পৰ্যন্ত বাহাল থাকিব কন্টেইনমেন্ট জ'ন।এই সময়চোৱাত অঞ্চলটোত কোনো ব্যক্তিয়ে বাহিৰত ওলোৱা-সোমোৱা কৰিবলৈ নোৱাৰিব।