আজি ৰাতি গুৱাহাটীত উপস্থিত হ'ব শিল্পী জুবিন গাৰ্গ

সুদীৰ্ঘ দুটা মাহৰ বিৰতিৰ পিছত আজি মাতৃভূমিত উপস্থিত হ'ব ৰাজ্যৰ জনপ্ৰিয় শিল্পী জুবিন গাৰ্গ।সৰুসজাইত কিছু সময়ৰ পিছতে আহি উপস্থিত হ'ব শিল্পী জুবিন।মুম্বাইৰ পৰা চাৰিদিনীয়া বাছযাত্ৰাৰে অসমত আহি আজি উপস্থিত হ'ব শিল্পী জুবিন,পত্নী গৰিমা শইকীয়া গাৰ্গ আৰু দুই সহযোগী শিল্পী।

উল্লেখ যে ১৪দিন শিল্পী জুবিন কোৱাৰেণ্টাইনত থাকিব।

ইফালে,যাত্ৰাৰ এখন ফটো সামাজিক মাধ্যমত প্ৰকাশ কৰিছে পত্নী গৰিমা শইকীয়া গাৰ্গে।

যোৱা শুকুৰবাৰে পুৱা ৭বজাত মুম্বাইৰ আন্ধেৰীৰ পৰা বাছেৰে যাত্ৰা আৰম্ভ কৰিছিল জুবিনে।দীঘলীয়া বাছযাত্ৰাৰ অন্তত শিল্পীগৰাকী আহি অসমত উপস্থিত হ'ব।