সোমবাৰে ৰাজ্যৰ ৫ জন কোভিড-১৯ আক্ৰান্তক দিয়া হ'ল ৰিলিজ

কোভিড-১৯ আতংকৰ মাজতে আছে এটা ভাল খবৰ।সোমবাৰে ৰাজ্যৰ ৫ জনকৈ কোভিড-১৯ আক্রান্তক দিয়া হয় ৰিলিজ।গুৱাহাটীৰ মহেন্দ্ৰ মোহন চৌধুৰী চিকিৎসালয়ত সুস্থ হৈ উঠা আক্রান্তকেইজন হৈছে বঙাইগাঁৱৰ।এই কথা টুইটাৰৰ জৰিয়তে প্ৰকাশ কৰিছে মন্ত্ৰী ড: হিমন্ত বিশ্ব শৰ্মাই।

উল্লেখ যে বঙাইগাঁৱৰ আক্রান্তকেইজনক চিকিৎসাৰ বাবে গুৱাহাটীৰ এমএমচিএইচলৈ অনা হৈছিল।ইফালে আজি পাঁঁচজনক ৰিলিজ দিয়াৰ পিচত বৰ্তমান ৰাজ্যত চিকিৎসাধীন হৈ থকা ৰোগীৰ সংখ্যা ২৩জনলৈ হ্ৰাস পালে।ৰাজ্যত মুঠ আক্রান্ত হৈছে ৬৪জন।তাৰে দুজনৰ মৃত্যু হোৱাৰ বিপৰীতে সুস্থ হৈছে ৩৯ জন।