দিশ হেৰুৱাই উলুবাৰীত অৰ্ধ-শতাধিক শ্ৰমিক 

'লকডাউন'ৰ ফলত গুৱাহাটীত এতিয়াও আৱদ্ধ হৈ আছে ৰাজ্যৰ বিভিন্ন জিলাৰ শতাধিক শ্ৰমিক।দিশ হেৰুৱাই উলুবাৰীত এনে অৰ্ধ শতাধিক শ্ৰমিকৰ ভিৰ।প্ৰায় অৰ্ধ-শতাধিক শ্ৰমিকে খোজ কাঢ়ি আহি উপস্থিত হয় উলুবাৰীত।

ইফালে,শ্ৰমিকসকলৰ ব্যাপক সমাগম দেখি ঘটনাস্থলীত উপস্থিত হয় আৰক্ষী।সমগ্ৰ পৰিস্থিতিৰ আৰক্ষীয়ে বুজ লয়।

তাৎপৰ্যপূৰ্ণ যে শ্ৰমিকসকলক লৈ যোৱাৰ বাবে দিছপুৰৰ ৰাজধানী মছজিদত গাড়ীৰ ব্যৱস্থা কৰিছিল মালিকে।গাড়ীৰ ওচৰলৈ যোৱাক লৈ ভুল বুজাবুজি হয় আৰু পল্টন বজাৰলৈ বুলি গুচি আহে শ্ৰমিকসকল।পিছত আৰক্ষীয়ে ঠিকাদাৰৰ সৈতে যোগাযোগ কৰে আৰু নিৰ্দিষ্ট স্থানত ৰৈ থকা বাছলৈ আৰক্ষীৰ বাছত লৈ যোৱাৰ ব্যৱস্থা কৰা হয়৷