ৰাজ্যজুৰি ভাৰতৰত্ন সুধাকণ্ঠ ডঃ ভূপেন হাজৰিকাৰ অষ্টম মৃত্যু বার্ষিকী পালন

আজি ভাৰতৰত্ন সুধাকণ্ঠ ডঃ ভূপেন হাজৰিকাৰ অষ্টম মৃত্যু বার্ষিকী।এই দিনটোত অসমবাসীয়ে শ্ৰদ্ধাৰে সুৱঁৰিছে অন্যতম শ্ৰেষ্ঠ অসমীয়াজনক।ৰাজ্যৰ বিভিন্ন প্ৰান্তত বহু দল-সংগঠনে সুধাকণ্ঠৰ মৃত্যু বার্ষিকী পালন কৰিছে।গুৱাহাটীৰ মাছখোৱা সাংস্কৃতিক প্ৰকল্পৰ প্ৰেক্ষাগৃহত মধ্য গুৱাহাটী ডঃ ভূপেন হাজৰিকা স্মৃতি ৰক্ষা সমিতিয়ে দিনজোৰা কাৰ্যসূচীৰে সুধাকণ্ঠৰ স্মৃতি দিৱস পালন কৰিছে।গুৱাহাটী গ্ৰন্থমেলাতো মহান শিল্পীজনৰ স্মৃতিত বিশেষ অনুষ্ঠান অনুষ্ঠিত কৰা হৈছে।গুৱাহাটীৰ জালুকবাৰীস্থিত সুধাকণ্ঠৰ সমাধিস্থলত বহু লোকে প্রিয় সংগীতশিল্পীজনৰ প্ৰতি শ্ৰদ্ধাঞ্জলি নিবেদন কৰিছে।