বিশিষ্ট অভিনেতা নিপন গোস্বামীলৈ মুখ্যমন্ত্ৰীৰ সাহায্য পুঁজিৰ পৰা আৰ্থিক অনুদান

অসমীয়া ছবি জগতৰ বিশিষ্ট অভিনেতা নিপন গোস্বামীৰ চিকিৎসাৰ বাবে মুখ্যমন্ত্ৰী সৰ্বানন্দ সোণোৱালে মুখ্যমন্ত্ৰীৰ সাহায্য পুঁজিৰ পৰা আগবঢ়ালে ৫০ হাজাৰ টকাৰ আৰ্থিক অনুদান।বুধবাৰে মুখ্যমন্ত্ৰীৰ নির্দেশ অনুসৰি মুখ্যমন্ত্ৰীৰ প্ৰেছ উপদেষ্টা ঋষিকেশ গোস্বামীয়ে প্ৰবীণ অভিনেতাগৰাকীৰ ঘৰলৈ গৈ ৫০ হাজাৰ টকাৰ চেক প্ৰদান কৰে। উল্লেখযোগ্য যে চলিত মাহৰ ১৯ অক্টোবৰত প্ৰবীণ অভিনেতাগৰাকী অসুস্থ হোৱাত পুত্ৰ-বোৱাৰীয়েকে চিকিৎসাৰ বাবে ভৰ্তি কৰে গুৱাহাটী জিএনআৰচিত।তাৰ পিছতে জিএনআৰচিৰ জ্যেষ্ঠ চিকিৎসক নৱনীল বৰাৰ তত্বাৱধানত চিকিৎসা প্ৰদান কৰি কিছু সুস্থ হোৱাত  ঘৰলৈ অনা হয় গোস্বামীক।