মাটিৰ চাকি-জৈৱিক পদাৰ্থৰে প্ৰস্তুত কৰা সামগ্ৰীৰে দীপাৱলী উদযাপন কৰক-মুখ্যমন্ত্ৰী সোণোৱাল

নিউজ ডেস্ক:

পোহৰৰ উৎসৱ দীপাৱলীলৈ মাজত আৰু এটা দিন বাকী।তাৰ মাজতে ৰাজ্যবাসীলৈ মুখ্যমন্ত্ৰী সৰ্বানন্দ সোণোৱালে বিশেষ আহ্বান জনাইছে।সামাজিক মাধ্যমৰ জৰিয়তে মুখ্যমন্ত্ৰীগৰাকীয়ে জনসাধাৰণক উদ্দেশ্য কৰি কয়-'প্ৰাকৃতিক সামগ্ৰীৰ দ্বাৰা উদযাপন কৰক পোহৰৰ উৎসৱ দীপাৱলী।প্ৰকৃতিৰ সৈতে আমি সহাৱস্থান কৰিব লাগিব।প্ৰদূষণমুক্ত অসম থাকিলেহে আমি থাকিম।গতিকে আগন্তক দিনত প্ৰদুষণমুক্ত সেউজ অসম গঢ়ি তোলাৰ বাবে  আমি সকলোৱে প্ৰয়াস কৰিব লাগিব।'

মুখ্যমন্ত্ৰীগৰাকীয়ে লগতে কয়-'মানুহৰ জীৱনলৈ আনন্দ আৰু উৎসাহ কঢ়িয়াই অনা দীপাৱলী উদযাপন কৰোতে সকলোৱে মনত ৰখা উচিত আনন্দ যাতে বিনষ্ট নহয়।তাৰ বাবে মাটিৰ চাকি বা অন্যান্য জৈৱিক পদাৰ্থৰ দ্বাৰা প্ৰস্তুত কৰা সামগ্ৰীৰে উদযাপন কৰিলে আমাৰ বায়ুমণ্ডল বিশুদ্ধ অৱস্থাত ৰাখি প্ৰদূষণমুক্ত অসম গঢ়াত সফল হ'ম।