সোণাৰিৰ পদ্ম কুমাৰী বালিকা উচ্চতৰ মাধ্যমিক বিদ্যালয়ৰ সোণালী জয়ন্তী

সোণৰিৰ পৰা ঘন বৰাৰ প্রতিবেদন :

ঐতিহাসিক চৰাইদেউ জিলাৰ সদৰ সোণাৰিৰ অন্যতম শিক্ষানুষ্ঠান পদ্ম কুমাৰী বৰুৱা বালিকা উচ্চতৰ মাধ্যমিক বিদ্যালয়ে পূৰ্ণ কৰিলে গৌৰৱোজ্বল পঞ্চাশটা বছৰ। ইয়াৰ পৰিপ্ৰেক্ষিতত শুকুৰবাৰৰ পৰা  শিক্ষানুষ্ঠানখনত তিনিদিনীয়াকৈ অনুষ্ঠিত হৈছে স্বৰ্ণ জয়ন্তী অনুষ্ঠান।সেই উপলক্ষে শুকুৰবাৰে পুৱা ৫০ গৰাকী বিশিষ্ট ব্যক্তিয়ে পঞ্চাশখন পতাকা উত্তোলন কৰি শুভাৰম্ভ কৰে সোণালী জয়ন্তী অনুষ্ঠানৰ।  শিক্ষানুষ্ঠানখনত সেৱা আগবঢ়ায় যোৱা প্ৰয়াত শিক্ষক, শুভাকাংক্ষীৰ সোঁৱৰণত স্মৃতি তৰ্পণ কৰাৰ লগতে প্ৰতিষ্ঠাপক অধ্যক্ষ প্ৰয়াত কনক বৰুৱাৰ আৱক্ষ মূৰ্তি উন্মোচন কৰা হয় ।ইয়াৰ পাছতে গ্ৰন্থমেলাৰ দ্বাৰ মুকলি কৰে। আনহাতে বিদ্যালয়খনৰ প্ৰাক্তন ছাত্ৰী সকলৰ দ্বাৰা সমবেত সংগীত পৰিৱেশন কৰি প্ৰাক্তন শিক্ষাৰ্থী সমাৰোহ আৰু সম্বৰ্ধনা অনুষ্ঠান আৰম্ভ কৰা হয়।