বৰভাগ মহাবিদ্যালয়ৰ নিৰ্বাচন :আছু ৫,যুৱ-ছাত্ৰ পৰিষদ ১,বিভিপিৰ ৬ প্ৰাৰ্থীৰ জয় লাভ

নৰেন শৰ্মা,বাহাৰঘাট :

নলবাৰী জিলাৰ গ্ৰামাঞ্চলৰ উচ্চ শিক্ষাৰ অনুষ্ঠান বৰভাগ মহাবিদ্যালয়ৰ সাধাৰণ নিৰ্ব্বাচন মঙলবাৰে অনুষ্ঠিত হৈ যায় ৷ ফলাফল অনুসৰি সভাপতি পদত আছু সমৰ্থিত শিখৰ জ্যোতি লহকৰ,সাধাৰণ  সম্পাদক পদত নিকুঞ্জ শৰ্মা,সহকাৰী সাধাৰণ  সম্পাদক পদত মানস প্ৰতিম দাস,  সাংস্কৃতিক সম্পাদক পদত  গৰিমা ভূঞা, খেল বিভাগত ইকবাল হুছেইন নিৰ্বাচিত হয় ৷আনহাতে  অসম জাতীয়তাবাদী যুৱ-ছাত্ৰ পৰিষদৰ সমৰ্থিত প্ৰাৰ্থী কংকন কলিতা আলোচনী সম্পাদক পদত জয়ী  হোৱাৰ বিপৰীতে অখিল ভাৰতীয় বিদ্যাৰ্থী পৰিষদৰ সমৰ্থনত উপ-সভাপতি পদত ভাস্কৰ দাস,সহকাৰী খেল সম্পাদক বেদান্ত শৰ্মা , তৰ্ক সম্পাদিকা সীমামণি দাস , সমাজসেৱা সম্পাদক ৰাজু তালুকদাৰ , ছাত্ৰ জিৰণী কোঠাত মানসপ্ৰতিম কলিতা আৰু  ছাত্ৰী জিৰণী কোঠাত সংগীতা তালুকদাৰ জয়ী হয়।এইবাৰ মহাবিদ্যালয়খনৰ  নিৰ্বাচনত ৭৯৩ জন ভোটাৰে ভোটদান কৰে ।