গোলাঘাটত চোৰাং চিকাৰীয়ে দাৰে ঘপিয়ালে আৰক্ষী বিষয়াক 

গোলাঘাটৰ প্ৰতিবেদক:

গোলাঘাট জিলাৰ বোকাখাতৰ লখৌজান অঞ্চলত মঙলবাৰৰ নিশা চোৰাং চিকাৰীৰ এটা দলৰ বিৰুদ্ধে কমাৰগাও‍্ঁ  আৰক্ষীয়ে চলোৱা এক অভিযানত এজন আৰক্ষী বিষয়াক দাৰে ঘপিয়াই হত্যা কৰাৰ চেষ্টা কৰে চোৰাং চিকাৰীৰ দলে। জানিব পৰা মতে, তিনিজনীয়া এটা গড়ৰ চোৰাং চিকাৰী দলৰ বিৰুদ্ধে চলাইছিল এই অভিযানটো । গোলাঘাটৰ কমাৰগাওঁ আৰক্ষী চকীৰ ভাৰপ্ৰাপ্ত আৰক্ষী বিষয়া ময়ূৰজ্যোতি গগৈক দলটোয়ে দাৰে উপৰ্যুপৰি ঘপিয়াই পলাই যাবলৈ সক্ষম হয়।অৱশ্যে,অভিযানত আৰক্ষীয়ে গড় চিকাৰীৰ দলটোৰ পৰা এটা থ্ৰী নট থ্ৰী ৰাইফল আৰু সজীৱ গুলী জব্দ কৰে। ইতিমধ্যে আঘাতপ্ৰাপ্ত আৰক্ষী বিষয়াজনক গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত ভৰ্ত্তি কৰোৱা হৈছে।