বঙাইগাঁও শাখা সাহিত্য সভাৰ উদ্যোগত সদৌ অসম ভিত্তিত কবিতা,গল্প আৰু প্ৰৱন্ধ প্ৰতিযোগিতা

বঙাইগাঁওঃ 

বঙাইগাঁও শতদল শাখা সাহিত্য সভাৰ দ্বি- বাৰ্ষিক অধিৱেশন উপলক্ষে বিগত বৰ্ষসমূহৰ দৰে এই বছৰো সদৌ অসম ভিত্তিত যোগেন্দ্ৰ চন্দ্ৰ সৰকাৰ সোঁৱৰণী কবিতা প্ৰতিযোগিতাৰ লগতে বৈকুন্ঠ বিহাৰী দাস সোঁৱৰণী গল্প প্ৰতিযোগিতা আৰু মুকুন্দ চন্দ্ৰ শৰ্মা সোঁৱৰণী প্ৰৱন্ধ প্ৰতিযোগিতাৰ আয়োজন কৰিছে ৷ প্ৰতিযোগিতাত অংশগ্ৰহণ কৰিব বিচৰা ইচ্ছুক প্ৰতিযোগীসকলে নিজৰ নিজৰ কবিতা, গল্প আৰু প্ৰৱন্ধসমূহ অহা ১৫ নবেম্বৰৰ ভিতৰত পঠিয়াব লাগিব ৷ প্ৰতিযোগীসকলে নিজৰ কবিতা, গল্প আৰু প্ৰৱন্ধৰ সৈতে ডাক ঠিকনা আৰু যোগাযোগ নম্বৰ উল্লেখ কৰিব লাগিব ৷ প্ৰতিযোগীসকলক কবিতা, গল্প আৰু প্ৰৱন্ধসমূহ মীনা দেৱী , সম্পাদক, বঙাইগাঁও শতদল শাখা সাহিত্য সভা, ঘৰ নং- ২১২, তৰুণ ৰাম ফুকন ৰোড, ২নং ৱাৰ্ড, ডাক আৰু জিলা বঙাইগাঁও, পিন- ৭৮৩৩৮০ ঠিকনালৈ প্ৰেৰণ কৰিবলৈ শাখা সাহিত্য সভাৰ তৰফৰ পৰা অনুৰোধ জনাইছে ৷