ঘগ্ৰাপাৰত টীম"ৰত্নাকৰ'ৰ প্ৰচাৰ

নৰেন শৰ্মা,বাহাৰঘাট :

অহা ১১অক্টোবৰত মুক্তি পাবলগীয়া "ৰত্নাকৰ'ৰ বোলছবিৰ বাবে টিম ৰত্নাকৰৰ অভিনেতা,অভিনেত্ৰী,কলা-কুশলীসকলে অসমৰ বিভিন্ন প্ৰান্তত প্ৰচাৰ অভিযান চলাই থকাৰ মাজতে দেওবাৰে আবেলি  নলবাৰী জিলাৰ ঘগ্ৰাপাৰতো প্ৰচাৰ চলায়।টিম ৰত্নাকাৰৰ দলটোৱে ঘগ্ৰাপাৰস্থিত হৰিমন্দিৰৰ বাকৰিত উপস্থিত হয়। ছৱিখনৰ অভিনেতা -অভিনেত্ৰী যতীন বৰা,বৰ্ষাৰাণী বিষয়া,শিশু কন্ঠ শিল্পী হৰ্ষিতা ভট্টাচাৰ্য, প্ৰযোজিকা নৱনীতা শৰ্মা বৰাৰ লগতে অন্যান্য অভিনেতাসকলে দৰ্শকক আকৰ্ষিত কৰি তুলিব পৰাকৈ ছৱিখনৰ বিষয়ে অৱগত কৰে। ইয়াৰ পিছত  ৰত্নাকৰ'ৰ দলটোক বড়িগোগ বনভাগ মন্ডল বিজেপিৰ কৰ্মকৰ্তাসকলে ঘগ্ৰাপাৰ হাইস্কুল খেল পথাৰত চলি থকা এখন ফুটবল প্ৰতিযোগিতা লৈ যায় খেল দৰ্শকসকলৰ দলত চিনাকি কৰা দিয়ে। অনুষ্ঠানটিত দৰ্শক ৰাইজৰ মাজত শিশু শিল্পী হৰ্ষিতা ভট্টাচাৰ্য ই  গীত গাই   খেলৰ দৰ্শকসকলক আপ্লুত কৰে।খেলখনত উপস্থিত থকা দৰ্শকসকলে বোলছবিখনৰ অভিনেতা -অভিনেত্ৰী,কলা-কৌশলীসকলক উষ্ম আদৰণি জনায় আৰু ছৱিখনৰ সফলতা কামনা কৰে।