মাজুলীত "চিউৰ"ৰ বান সাহাৰ্য্য বিতৰণ

প্ৰতিবেদক,নিউজ এএছএন, মাজুলী :

বেচৰকাৰী সংস্থা "চিউৰ"ৰ উদ্যোগত শনিবাৰে মাজুলীৰ ফুলনিত বান সাহাৰ্য বিতৰণ কৰা হয় । সংস্থাটোৰ অধ্যক্ষ তথা অষ্ট্ৰেলিয়াৰ মেলবৰ্ন বিশ্ববিদ্যালয়ৰ অধ্যাপক হেমন্ত কুমাৰ দলৈ,সংস্থাৰ সম্পাদক অৰূপ কুমাৰ দলৈ আদিৰ তৎপৰতাত ফুলনি গাঁও পঞ্চায়তৰ অন্তৰ্গত বৰকলিয়া গাঁৱত বান পিড়িত ডেৰ শতাধিক লোকৰ মাজত আলু,দালি,মিঠাতেল, চাবোন,চাৰ্ফ,ধূপ আদি বিভিন্ন বান সামগ্ৰী বিতৰণ কৰে । এই কাৰ্যসূচীত মাজুলীৰ স্হানীয় যুৱক কীৰ্তিকমল নাথ, বিৰাজ বৰাই সহযোগিতা আগবঢ়ায় ।