উৎকোচ লৈ হাতে-লোটে ধৰা পৰিল দিছপুৰ থানাৰ উপ-পৰিদৰ্শক গহীন পেগু

উৎকোচ লোৱাৰ সময়ত হাতে-লোটে ধৰা পৰি গ্ৰেপ্তাৰ হ'ল দিছপুৰ থানাৰ উপ-পৰিদৰ্শক গহীন পেগু।এজন বেংক বিষয়াৰ পৰা উৎকোচ লোৱাৰ অভিযোগত দুৰ্নীতি নিবাৰক শাখাই  দিছপুৰ থানাতে বৃহস্পতিবাৰে মাজনিশা হাতে-লোটে ধৰা পেলাই গ্ৰেপ্তাৰ কৰে পেগুক। 

ষ্টেট বেংক অব ইণ্ডিয়াৰ এজন বিষয়াৰ বিৰুদ্ধে অনৈতিক কাৰ্যত লিপ্ত হৈ থকাৰ অভিযোগ আছিল। সেই অভিযোগৰ ভিত্তিতে দিছপুৰ থানাৰ উপ-পৰিদৰ্শক গহীন পেগুৱে বিষয়াজনৰ ৫০ হাজাৰ টকাৰ ধনদাবী কৰিছিল।সম্প্ৰতি দিছপুৰ আৰক্ষীৰ জিম্মাত আছে ধৃত গহীন পেগু।