গোলাঘাটত আবকাৰী চোৰাংচোৱা বিভাগৰ গাড়ীৰ ভয়ংকৰ দুৰ্ঘটনা সংঘটিত কৰা ডাম্পাৰ চালকক আটক 

গোলাঘাটৰ প্ৰতিবেদক

যোৱা ২৫ ছেপ্টেম্বৰৰ নিশা গোলাঘাটৰ মৰঙী সাৰ গাঁৱত গুৱাহাটীৰ পৰা অহা আবকাৰী চোৰাংচোৱা বিভাগৰ এটা দলৰ গাড়ী খুন্দিয়াই ভয়ংকৰ দুৰ্ঘটনা সংঘটিত কৰি পলায়ন কৰা ডাম্পাৰৰ চালকজনক ইতিমধ্যে গোলাঘাট আৰক্ষীয়ে গ্ৰেপ্তাৰ কৰিবলৈ সক্ষম হৈছে। সমীৰ গড় নামৰ এই ডাম্পাৰৰ চালকজনক দৈগ্ৰোঙৰ নিজা বাসগৃহৰ পৰা আটক কৰে আৰক্ষীয়ে।  দূৰ্ঘটনাটোত আবকাৰী চোৰাংচোৱা বিভাগৰ তিনিজন বিষয়া-কৰ্মচাৰীৰ মৃত্যু হোৱাৰ লগতে বাকী তিনিজনক উন্নত চিকিৎসা দি থকা হৈছে। দুৰ্ঘটনাৰ পিছত আবকাৰী চোৰাংচোৱা বিভাগৰ গাড়ীখন সংঘৰ্ষত জ্বলি গৈছিল। বৰ্তমান ধৃত চালকজনৰ জেৰা অব্যাহত ৰাখিছে আৰক্ষীয়ে।