ডিমৌ ৰজাবাৰীত সেৱা সপ্তাহ কাৰ্যসূচী সম্পন্ন

ডিমৌৰ পৰা অভিজিত গগৈৰ প্ৰতিবেদনঃ

দেশৰ প্ৰধানমন্ত্ৰী নৰেন্দ্ৰ মোডীৰ ৬৯ সংখ্যক  জন্ম দিন উপলক্ষে আয়োজিত সেৱা সপ্তাহ কাৰ্যসূচীৰ অংশ হিচাবে শুকুৰবাৰে ডিমৌ ৰজাবাৰীস্থিত স্বৰ্গদেউ চ্যুকাফা মাল্টি স্পেচিয়েলিটি হাস্পতাল চৌহদত  এক বৃক্ষৰোপন কাৰ্যসূচী সম্পন্ন হয়।  চিকিৎসালয় কৰ্তৃপক্ষ তথা চিকিৎসক ,নাৰ্ছ আৰু  কৰ্মচাৰীসকলৰ উপস্থিতিত বৃক্ষৰোপন কৰে থাওৰা বিধানসভা সমষ্টিৰ বিধায়ক কুশল দুৱৰী, শিৱসাগৰ জিলা বিজেপিৰ সভানেত্ৰী সুৰভি ৰাজকুমাৰী, ৰাজ্যিক বিজেপিৰ মহিলা মৰ্চাৰ কোষাধ্যক্ষা দীপিকা কাকতি দুৱৰীয়ে।