নলবাৰীৰ নীলপুৰত ড ° ভূপেন হাজৰিকাৰ ওপজা দিন উদযাপন

নলবাৰীৰ পৰা হেমন্ত কলিতাৰ প্রতিবেদন :

নলবাৰী জিলাৰ নীলপুৰ শাখা ছাত্ৰ সন্থাৰ উদ্যোগত  আৰু স্থানীয় ৰাইজৰ সহযোগত দেওবাৰে গধূলি   নীলপুৰ প্ৰাথমিক  বিদ্যালয়ত  সংগীত সূৰ্য ড ° ভূপেন হাজৰিকাৰ ওপজা দিন উদযাপন কৰা  হয় ।আবেলি  চিত্রাংকন প্ৰতিযোগিতা অনুষ্ঠিত কৰা হয় । সন্ধিয়া ভূপেন হাজৰিকাৰ প্ৰতিচ্ছবিত মাল্যৰ্পন আৰু বন্তি প্ৰজ্বলন কৰে পশ্চিম বনভাগ আঞ্চলিক ছাত্ৰ সন্থাৰ সভাপতি তথা সদৌ নলবাৰী জিলা ছাত্ৰ সন্থাৰ কাৰ্য্যনিৰ্বাহক সদস্য  ৰঞ্জিত শৰ্মাই ।ইয়াৰ পিছতেই সুধাকণ্ঠৰ প্ৰতিচ্ছবিত মাল্যাৰ্পণ আৰু বন্তি প্ৰজ্বলন কৰি স্মৰণ কৰে অঞ্চলটোৰ বিশিষ্ট শিক্ষাবিদ,সমাজকৰ্মী ,স্থানীয় ৰাইজ আৰু ছাত্ৰ সন্থাৰ বিষয়ববীয়া সকলে । সন্ধিয়া  অনুষ্ঠিত হয়  গীত ,কবিতাৰ এক সাংস্কৃতিক অনুষ্ঠান । উক্ত সাংস্কৃতিক  অনুষ্ঠানত গীত পৰিবেশন কৰে বনভাগ ঘোহকুছি হাইস্কুলৰ প্ৰধান শিক্ষক  গোবিন্দ কলিতা ,শিল্পী কমল দাস ,বনজিত বৈশ্য , পশ্চিম বনভাগ আঞ্চলিক ছাত্ৰ সন্থাৰ প্ৰাক্তন সাংস্কৃতিক সম্পাদক  বিনয় কলিতাৰ লগতে ধমধমা  সমলয় সংগীত বিদ্যালয়ৰ ছাত্ৰী সকলে । উক্ত অনুষ্ঠানত সদৌ নলবাৰী জিলা ছাত্ৰ সন্থাৰ ক্ৰীড়া সম্পাদক কংকন কলিতা , প্ৰাক্তন ছাত্ৰ নেতা কমল ডেকা ,পশ্চিম বনভাগ আঞ্চলিক উন্নতি সভাৰ সাধাৰণ  সম্পাদক যোগেশ ৰবিদাস , পশ্চিম বনভাগ আঞ্চলিক ছাত্ৰ সন্থাৰ উপ সভাপতি  অমৰজ্যোতি দাস ,
সাধাৰণ সম্পাদক  হোমেন ৰবিদাস ,শিক্ষা সম্পাদক শুভংকৰ  চৌধুৰী , সাংগঠনিক সম্পাদক ধনজিৎ  কলিতা , আল্লিয়া আঞ্চলিক ছাত্ৰ সন্থাৰ ভাৰপ্ৰাপ্ত সভাপতি চামিউল হক ,তবলা বাদক চম্পক দাস আদিকে ধৰি  প্ৰাক্তন ছাত্ৰ নেতা আৰু স্থানীয় ৰাইজ  উপস্হিত থাকে ।অনুষ্ঠানটো আত ধৰে নীলপুৰ শাখা ছাত্ৰ সন্থাৰ সাধাৰণ সম্পাদক নিপাংকৰ চৌধুৰী আৰু সাংস্কৃতিক সম্পাদিকা দীপান্দিতা চৌধুৰীয়ে ।অনুষ্ঠানটোৰ সফল সমাপ্ত কৰা বাবে নীলপুৰ শাখা ছাত্ৰ সন্থাৰ সভাপতি ৰাজীৱ হালৈয়ে সকলোকে ধন্যবাদ জ্ঞাপন কৰে ।