কামপুৰত কবিমেলত মোলান লস্কৰক সম্বৰ্ধনা

নগাঁৱৰ পৰা  ঋতু পৰ্ণ শৰ্মা :

সদৌ অসম কবি সন্মিলনৰ অন্তৰ্গত নগাঁও জিলাৰ কামপুৰ অাঞ্চলিক কবি সন্মিলনৰ মাহেকীয়া কবি মেল অনুষ্ঠানটো শনিবাৰে কামপুৰ উন্নতি সাধিনী সভাৰ কাৰ্যালয়ত অনুষ্ঠিত হয়।অনুষ্ঠানৰ অাৰম্ভণিতে ৰাজ্য চৰকাৰৰ তৰফৰ সাহিত্যিক পেঞ্চন অাগবঢ়োৱা কামপুৰৰ বিশিষ্ট সাহিত্যিক মোলান লস্কৰক সন্মান প্ৰদান কৰে কামপুৰ অাঞ্চলিক কবি সন্মিলনে।সাহিত্যিক মোলান লস্কৰক সন্মান প্ৰদান কৰে জাতীয়তাবাদী যুৱ ছাত্ৰ পৰিষদ কামপুৰ অাঞ্চলিক সমিতিয়ে।কামপুৰ অাঞ্চলিক কবি সন্মিলনৰ সভাপতি গুণ কাকতীৰ সভাপতিত্বতত অনুষ্ঠিত হোৱা সভাত উপস্থিত থাকে লেখিকা বিনু লস্কৰ ঠাকুৰীয়া,কবি পৱন শৰ্মা,অধিবক্তা ভাৰত তামুলী ফুকন,কবি ঘন কান্ত বৰা,অনিল বৰুৱা,জ্যেষ্ঠ সাংবাদিক সভাৰাম মজুমদাৰকে ধৰি কেইবাগৰাকী কবি সাহিত্যিক।সভাৰ পাছতেই অনুষ্ঠিত হয় কামপুৰ অাঞ্চলিক কবি সন্মিলনৰ মূল কাৰ্যসূচী মাহেকীয়া কবি মেল অনুষ্ঠান।কবি প্ৰৱীণ শৰ্মাৰ সঞ্চালনাত অনুষ্ঠিত কবিমেল অনুষ্ঠানত কামপুৰ অঞ্চলৰ ২০ গৰাকীতকৈ অধিক নৱীন-প্ৰৱীণ কবিয়ে কবিতা পাঠ কৰি অনুষ্ঠানটি সাফল্যমণ্ডিত কৰি তোলে।