শিক্ষক দিৱসৰ দিনাই বৰভাগলৈ গুৰু-শিষ্যই কঢ়িয়াই আনিলে গৌৰৱ

বৰভাগৰ পৰা সঞ্জয় দাসৰ প্রতিবেদন :

শিক্ষক দিৱসৰ দিনা বৰভাগৰ বাবে গৌৰৱৰ বিষয়, কিয়নো আজি নলবাৰীৰ জিলা প্ৰশাসন আৰু শিক্ষা বিভাগে আয়োজন কৰা শিক্ষক দিৱসত  ছাত্র- ছাত্ৰীৰ বক্তব্য লিখা ফলক উন্মোচন কৰাৰ সুযোগ পায় ৰাষ্ট্ৰীয় পৰ্যায়ৰ শিশু বিজ্ঞানী বঙালমুৰ গাঁও নিবাসী তথা বৰভাগ কালাগ উচ্চতৰ মাধ্যমিক বিদ্যালয়ৰ ছাত্ৰী কংকনা দাসে  । আনহাতে যোৱাবাৰ ৰাষ্ট্ৰীয় পৰ্যায়লৈ নিৰ্বাচিত কংকণাৰ প্ৰকল্পটোৰ গাইড  ৰাইটকুছি লোকপ্ৰিয় বৰদলৈ মজলীয়া বিদ্যালয়ৰ শিক্ষয়ীত্ৰি দেইজি তালুকদাৰে  লাভ কৰে এই বৰ্ষৰ কৃতি শিক্ষকৰ বঁটা। দেইজি তালুকদাৰ আৰু কংকণাৰ ঘৰ নলবাৰী জিলাৰ বৰভাগত। সেয়েহে বৰভাগৰ ৰাইজৰ বাবে এইবাৰৰ শিক্ষক দিৱসটো স্মৰণীয় হৈ ৰৱ বুলি বিভিন্ন জনে মত পোষণ কৰে।লগতে দেইজি আৰু কংকণা আন দহজনৰ বাবে আদৰ্শ   হৈ ৰওক তাৰেই এতিয়া কামনা কৰিছে বৰভাগৰ ৰাইজে।