চিৰাঙত পথ দুৰ্ঘটনাত মেডিকেল ৰিপ্ৰেজেনটেটিভৰ মৃত্যু

বঙাইগাঁওঃ

  চিৰাং জিলাৰ নিলীবাৰী উপ আৰক্ষী চকীৰ অন্তৰ্গত কামাৰডাংগা গাঁৱত আজি দুপৰীয়া সংঘটিত এক পথ দুৰ্ঘটনাত জিলাখনৰ বাসুগাঁও চহৰৰ এজন মেডিকেল ৰিপ্ৰেজেনটেটিভ ৰ মৃত্যু হয় ৷ বাসুগাঁও চহৰৰ সুনীল সাহাৰ পুত্ৰ সমীৰ সাহা (৩৮)ই মটৰ চাইকেলে বাসুগাঁৱৰ পৰা বঙাইগাঁও চহৰলৈ বুলি আহি থকা সময়ত কামাৰডাংগা গাঁৱত এখন যাত্ৰীবাহী টেম্পৰে মুখামুখি সংঘৰ্ষ হয় ৷ ফলত ঘটনাস্থলীতে সমীৰ সাহাৰ মৃত্যু হয় ৷ পিছত ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰি কাজলগাঁও জে এছ বি অসামৰিক চিকিৎসালয়ত মৰণোত্তৰ পৰীক্ষা সম্পন্ন কৰি পৰিয়ালক চমজাই দিয়ে ৷ ইপিনে দুৰ্ঘটনা সংঘটিত কৰা টেম্পখনক আৰক্ষীয়ে জব্দ কৰা বুলি জানিব পৰা গৈছে ৷