সদৌ অসম প্ৰাথমিক টেট উত্তীৰ্ণ শিক্ষক সমাজে কলিয়াবৰত কেন্দ্ৰীয়ভাবে উদযাপন কৰিলে শিক্ষক দিৱস

কলিয়াবৰৰ পৰা প্ৰদীপ লস্কৰৰ প্রতিবেদন :

সদৌ অসম প্ৰাথমিক টেট্ উত্তীৰ্ণ শিক্ষক সমাজৰ উদ্যোগত,নগাঁও জিলা সমিতিৰ সহযোগত আৰু কলিয়াবৰ শিক্ষা খণ্ড সমিতিৰ ব্যাৱস্থাপনাত কলিয়াবৰৰ কুঁৱৰীটোলত আজি কেন্দ্ৰীয় ভাবে উদযাপন কৰা হয় শিক্ষক দিৱস। কলিয়াবৰ মুক্তি যুঁজাৰু ভৱনত দিন যোৰা কাৰ্যসূচীৰে উদযাপন কৰা শিক্ষক দিৱসত একাংশ অৱসৰপ্ৰাপ্ত কৃৰ্তি শিক্ষকক  সম্বৰ্ধনা জনোৱা হয়। জলসম্পদ মন্ত্ৰী কেশৱ মহন্তই মুকলি সভাৰ আৰম্ভণিতে ড০ সৰ্বপল্লী ৰাধাকৃষ্ণণৰ প্ৰতিচ্ছবিত বন্তি প্ৰজ্বলন কৰে।

অসমৰ সাম্প্ৰতিক সময়ৰ প্ৰাথমিক শিক্ষা ব্যৱস্থাত টেট্ উত্তীৰ্ণ শিক্ষকৰ ভুমিকা শীৰ্ষক আলোচ্য বিষয়ত বিশিষ্ট সাংবাদিক অদীপ কুমাৰ ফুকনে ভাষন আগঢ়াই। বিশিষ্ট সাংবাদিক ৰাজদ্বীপ বাইলুং বৰুৱাই  স্মাৰক গ্ৰন্থ নৱোন্মেষ উন্মোচন কৰে। গুৱাহাটী বিশ্ববিদ্যালয়ৰ সঞ্চালক তথা অধ্যাপক যোগেন চন্দ্ৰ কলিতাই বিশিষ্ট অতিথিৰ বক্তব্য আগবঢ়ায়।