ডিমৌত ৫৮ সংখ্যক শিক্ষক দিৱস উদযাপন

ডিমৌৰ পৰা অভিজিত গগৈৰ প্ৰতিবেদন :

ডিমৌস্থিত চৰকাৰী-বেচৰকাৰী বিদ্যালয়- মহাবিদ্যালয়সমূহত আজি  ৫৮ সংখ্যক  শিক্ষক দিৱস উদ্ যাপন কৰাৰ লগতে  ৰাজমাও মধ্য ইংৰাজী বিদ্যালয়ত ব্যতিক্ৰমী ৰূপত  শিক্ষক দিৱস উদযাপন কৰে। ৰাজমাও মধ্য ইংৰাজী বিদ্যালয়ৰ সহকাৰী শিক্ষয়িত্ৰী লক্ষীমা ফুকনে আঁত ধৰা অনুষ্ঠানটিত বন্তি প্ৰজ্বলন কৰি শুভাৰম্ভ কৰে ৰাজমাও মধ্য ইংৰাজী বিদ্যালয়ৰ প্ৰধান শিক্ষয়িত্ৰী নম্ৰতা দেৱীয়ে ।উক্ত  অনুষ্ঠানটিত মুখ্য অতিথি হিচাবে উপস্থিত থাকে অৱসৰ প্ৰাপ্ত শিক্ষক পৱন ফুকন  আৰু চি আৰ চি দেৱ কাকতিয়ে।তাৰ পিছতে  বিদ্যালয়ৰ ছাত্ৰ ছাত্ৰী সকলে শিক্ষক সকলক সম্বৰ্ধনা জনোৱাৰ লগতে  বক্তৃতা আৰু গীত-নৃত্যৰে অনুষ্ঠানটি জীপাল কৰি তোলে । ইয়াৰ উপৰিও  ডিমৌ আঞ্চলিক  সংগ্ৰামী যুৱ ছাত্ৰ পৰিষদৰ সভাপতিৰ নেতৃত্বত যোৱা  এটা দ'লে বিদ্যালয়ত উপস্থিত হৈ শিক্ষক সকলক  শ্ৰদ্ধা জনোৱাৰ  লগতে প্ৰধান শিক্ষয়িত্ৰীক এটা গছ পুলি প্ৰদান কৰি শিক্ষক আৰু  ছাত্ৰ ছাত্ৰীৰ  উপস্থিতিত বিদ্যালয় চৌহদতে গছপুলিটি ৰোপন কৰে ।