বৰভাগত যুৱ-ছাত্ৰ পৰিষদ আৰু বৰভাগ কলেজৰ উদ্যোগত শিক্ষক দিৱস পালন

বৰভাগৰ পৰা সঞ্জয় দাসৰ প্রতিবেদন :

অসম জাতীয়তাবাদী যুৱ-ছাত্ৰ পৰিষদৰ বৰভাগ আঞ্চলিক সমিতি আৰু বৰভাগ মহাবিদ্যালয় গোটৰ উদ্যোগত আজি শিক্ষক দিৱস উপলক্ষে বিশেষ সম্বৰ্ধনা অনুষ্ঠান অনুষ্ঠিত কৰা হয়। উক্ত অনুষ্ঠানত বৰভাগ মহাবিদ্যালয়ৰ অধ্যক্ষৰ লগতে অধ্যাপক সকল, আইতৰু হাইস্কুলৰ প্ৰধান শিক্ষকৰ লগতে  শিক্ষক- শিক্ষয়িত্ৰী, কৰিয়া উচ্চতৰ মাধ্যমিক বিদ্যালয়ৰ অধ্যক্ষ, তথা শিক্ষক-শিক্ষয়িত্ৰী সকলক, দক্ষিণ বৰভাগ হাইস্কুলৰ অৱসৰপ্ৰাপ্ত কৃতি শিক্ষয়িত্ৰী ৰাজ্য ডেকা আৰু শ্বহীদ মুকুন্দ কাকতি হাইস্কুলৰ অৱসৰপ্ৰাপ্ত কৃতি শিক্ষক সনাতন শৰ্মাক ফুলাম গামোচা আৰু সম্বৰ্ধনা পত্ৰৰে সম্বৰ্ধনা জনোৱা হয়।উক্ত সম্বৰ্ধনা অনুষ্ঠানটিৰ আঁত ধৰে বৰভাগ যুৱ-ছাত্ৰ পৰিষদৰ আঞ্চলিক সমিতিৰ সভাপতি তাজিমউদ্দিন আহমেদে।উক্ত অনুষ্ঠানটোত যুৱ-ছাত্ৰ পৰিষদৰ উপ সভাপতি চিন্ময় পৰাশৰ, সাধাৰণ সম্পাদক ধীৰাজ কলিতা, বৰভাগ মহাবিদ্যালয় গোটৰ সভানেত্ৰী জ্যোতিস্মিতা শৰ্মা আৰু সাধাৰণ সম্পাদক প্ৰাঞ্জল কলিতা সহ বৰভাগ মহাবিদ্যালয়ৰ শতাধিক ছাত্ৰ-ছাত্ৰীৰ লগতে ভালে সংখ্যক শিক্ষক-শিক্ষয়ত্ৰী উপস্থিত থাকে।