লাহৰীঘাটৰ বিভিন্ন শিক্ষানুষ্ঠানত উলহ -মালহেৰে শিক্ষক দিৱস উদযাপন

লাহৰীঘাটৰ পৰা শ্বামিমুল ইছলামৰ প্রতিবেদন :

সমগ্ৰ দেশতে  আজি প্ৰয়াত প্ৰাক্তন  ৰাষ্ট্ৰপতি, মেধা শিক্ষক তথা  দাৰ্শনিক ডঃ সৰ্বপল্লী ৰাধা কৃষ্ণণৰ ৫৮ সংখ্যক জন্ম দিৱসটো শিক্ষক দিৱস হিচাপে উলহ মালহেৰে উদযাপন কৰা হয় । ৰাজ্যৰ আন আন ঠাইৰ  লগতে লাহৰীঘাট অঞ্চলৰ সকলো শিক্ষানুষ্ঠানত এই দিৱস উদযাপন কৰা পৰিলক্ষিত হয় । কিছু ব্যতিক্ৰমী ৰূপত শিক্ষক দিৱস উদযাপন কৰা দেখা গল অঞ্চলটোৰ  লাহৰীঘাট আদৰ্শ মাৰ্কাজ একাডেমি ,লাহৰীঘাট চেন্ট্ৰেল স্কুল  , ধূপগুৰি আদৰ্শ জাতীয় বিদ্যালয়  ,জাতীয় বিদ্যালয়,লাহৰীঘাট উচ্চতৰ মাধ্যমিক,আজান শংকৰ বিদ্যালয়, ব্ৰহ্মপুত্ৰ ভেলী তিনিচুকীয়া, জৰিবৰ আজান শংকৰ, ভকুৱামাৰী এম ই স্কুলত বিশেষ ভাৱে শিক্ষক দিৱসৰ উদযাপন কৰা হয় । লাহৰীঘাট  আদৰ্শ মাৰ্কাজ একাডেমি  আৰু লাহৰীঘাট চেন্ট্ৰেল স্কুলত পুৱাই বৃক্ষৰোপণ,শোভাযাত্ৰা ,গজল,কেৰাত,কুইজ,শিক্ষক দিৱসৰ  ওপৰত বক্তৃতা  ,চিত্ৰাংকন প্ৰতিযোগীতা আদি  অনুষ্ঠিত কৰা হয় । ইপিনে লাহৰীঘাট চেন্ট্ৰেল স্কুলত সন্ধিয়া সাংস্কৃতিক অনুষ্ঠানৰ  আয়োজন কৰা বুলিও জানিব পৰা গৈছে।