শ্বহীদ কুশল কোঁৱৰ অসামৰিক চিকিৎসালয়ত মোবাইল চোৰ আটক

গোলাঘাটৰ পৰা মীনাক্ষি ফুকন

গোলাঘাটত ক্ৰমাৎ গাড়ী,বাইক চুৰিৰ ঘটনা বৃদ্ধি পোৱাৰ লগতে ম'বাইল চুৰিৰ ঘটনাও বৃদ্ধি পাইছে।বৃহস্পতিবাৰে নিশা গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত মোবাইল চুৰি কৰিবলৈ আহি হাতে-লোটে ধৰা পৰে এটা ম'বাইল চোৰ।

দীৰ্ঘদিনৰে পৰা  চিকিৎসাধীন ৰোগী আৰু আত্মীয়ৰ মোবাইল ফোন চুৰি হৈ আহিছিল যদিও বৃহস্পতিবাৰে হাতে-লোটে ধৰা পৰে ৰাহুল দাস ওৰফে বিনোদ নামৰ গভাইত চোৰটো।ৰাইজে চিকিৎসালয়ৰ চৌহদতে চোৰটোক উত্তম-মধ্যম সোধাই  আৰক্ষীক গতাই দিয়ে। আৰক্ষীৰ জেৰাত আৰু তিনিটা চোৰ জড়িত থকাৰ কথা উল্লেখ কৰিছে চোৰটোৱে।