মুৰ্গীৰ এটা কণীৰ বাবে সংঘটিত হোৱা হত্যাকাণ্ডৰ ৰায় প্ৰদান

ডবকাৰ পৰা জমিৰুদ্দিন তালুকদাৰৰ প্রতিবেদন :

আজি একেটা পৰিয়ালৰ পতি-পত্নীসহ তিনিজনক যাৱৎজ্জীৱন কাৰাদণ্ডৰ ৰায় প্ৰদান কৰে হোজাই শংকৰদেৱনগৰ আদালতে৷

আজি আদালতখনৰ এন এচ দেউৰীৰ আদালতে ২০ হাজাৰ টকাৰ জৰিমনা সহ যাৱৎজ্জীৱন কাৰাদণ্ডৰ ৰায় প্ৰদান কৰে হোজাই যোগীজান ৰাধানগৰৰ মোহন বিশ্বাস,তেওঁৰ পত্নী শ্যামলী বিশ্বাস আৰু মণি মজুমদাৰক৷

উল্লেখ্য যে ২০১৪ চনৰ ১৮ আগষ্ট তাৰিখে এটা মুৰ্গীৰ কণীক লৈ কাজিয়াৰ পৰিণতিত প্ৰতিবেশী ৰুবী পণ্ডিতক কেৰাচিন ঢালি জ্বলাই দিছিল এই তিনিওগৰাকী লোকে৷

ঘটনা সংক্ৰান্তত ৪৪৮/৩০২/৩৪ ধাৰাৰ অধীনত হোজাই থানাত ৰুজু হয় ৪৫০/১৪নং গোচৰটো।

উক্ত গোচৰটোত আজি আদালতে তিনিওঁকে ২০ হাজাৰ টকাকৈ জৰিমনাৰ লগতে সশ্ৰম যাৱৎজ্জীৱন কাৰাদণ্ডৰে দণ্ডিত কৰে৷

গোচৰটোত চৰকাৰী পক্ষৰ হৈ যুক্তি দৰ্শাইছিল অধিবক্তা অমৰজ্যোতি শইকীয়াই৷