নসত্ৰত মুখ্যমন্ত্ৰী সৰ্বানন্দ সোণোৱালে উদ্বোধন কৰিলে ভাৰতীয় ষ্টেট বেংকৰ শাখা

চেঙাৰ পৰা সুৰজিৎ পাঠক :
অসমীয়া  সংস্কৃতিক বিপন্ন  কৰিব  বিচৰা  ঘটনাক লৈ কঠোৰ হ'ব ৰাজ্য চৰকাৰ । ছয়গাৱৰ  ঘটনাত জড়িতক ৰেহাই দিয়া নহ'ব বুলিও স্পষ্ট কৰিলে মুখ্যমন্ত্ৰী  সৰ্বানন্দ সোণোৱালে । সোমবাৰে  নসত্ৰৰ  কৃষ্ণগুৰু সেৱাশ্ৰমত  উপস্থিত  হৈ  এইদৰে ক'লে  মুখ্যমন্ত্ৰী সৰ্বানন্দ সোণোৱালে । সোমবাৰে  আধ্যাত্মিক গুৰু  কৃষ্ণগুৰু  প্ৰভুৰ  আবিৰ্ভাৱ  মহোৎসৱ উপলক্ষ্যে  নসত্ৰত উপস্থিত  হয়  মুখ্যমন্ত্ৰী সৰ্বানন্দ সোণোৱাল ।

ইপিনে গুৰুজনাৰ আবিৰ্ভাৱ  মহোৎসৱৰ লগতে  আশ্ৰমৰ ভকত সকলৰ সুবিধাৰ বাবে  ভাৰতীয়  ষ্টেট  বেংকৰ এটি  শাখা মুকলি কৰা হয়। ভাৰতীয় ষ্টেট বেংকৰ গুৱাহাটী গ্ৰামীণ অঞ্চলৰ ৫০তম শাখা হ'ল কৃষ্ণগুৰু সেৱাশ্ৰম শাখাটো ।  এই শাখা মুকলি  কৰে মুখ্যমন্ত্ৰী  সৰ্বানন্দ সোণোৱালে । আনহাতে  আজি গুৰুজনাৰ ৮৫ সংখ্যক  আবিৰ্ভাৱ  মহোৎসব উপলক্ষ্যে  মুখ্যমন্ত্ৰী সৰ্বানন্দ সোণোৱালে  আশ্ৰমৰ সুবৰ্ণ  কুড়ত এক ঘন্টা  ক্ৰমত    বহে  ।