উৰিয়ামঘাটত মাৰণাস্ত্ৰসহ গ্ৰেপ্তাৰ ৪ জন যুৱক

সৰুপথাৰৰ পৰা নবীন বৰা

অসম- নাগালেণ্ড সীমান্তৰ উৰিয়ামঘাটত মাৰণাস্ত্ৰসহ গ্ৰেপ্তাৰ হল ৪ জন যুৱক ৷  নিশা আৰক্ষী আৰু চিআৰপিএফৰ যুটীয়া অভিযানত গ্ৰেপ্তাৰ হয় যুৱককেইজন ৷

কূটাঘাত সংঘটিত কৰাৰ উদ্দেশ্যেৰে মাৰণাস্ত্ৰ সৰবৰাহ কৰিছিল যুৱকৰ দলটোৱে ৷ যুৱককেইজনৰ পৰা আৰক্ষীয়ে এটা একে৪৭ ৰাইফল, এটা মেগজিন,২৯ ৰাউণ্ড সক্ৰিয় গুলী, ৫ টা মোবাইল আৰু দুখন অট'  জব্দ কৰিবলৈ সক্ষম হয় ৷ 

ধৃত যুৱককেইজন ক্ৰমে খয়াক কন্যাক, চাটাম কন্যাক, কাইমাং উঙ, আকা ছুমী। যুৱককেইজনৰ এজন এনএচচিএন(খাপলাং) গোটৰ সদস্য বুলি জানিবলৈ দিয়ে আৰক্ষীয়ে ৷ 

আটক হোৱা যুৱককেইজন নগা বিদ্ৰোহী সংগঠনৰ সদস্য বুলি সন্দেহ কৰিছে আৰক্ষীয়ে ৷