গোলাঘাটৰ বিশিষ্ট সমাজকৰ্মী অপূৰ্ব কুমাৰ বৰগোঁহাইৰ দেহাৱসান

গোলাঘাটৰ পৰা মীনাক্ষী ফুকন

বৃহস্পতিবাৰে নিশা বাৰ্ধক্যজনিত কাৰণত গোলাঘাটৰ বিশিষ্ট সমাজকৰ্মী, সত্য সাই বিদ্যা বিহাৰ বিদ্যালয়ৰ সঞ্চালক তথা প্ৰতিষ্ঠাপক অপূৰ্ব কুমাৰ বৰগোঁহাইৰ পৰলোকপ্ৰাপ্তি ঘটে। ১৯৪০ চনত গোলাঘাট চহৰত জন্মগ্ৰহণ কৰা বৰগোঁহাই ধৰ্মগুৰু সাইবাবাৰ একান্ত ভক্তৰ লগতে গোলাঘাটৰ বহুতো সামাজিক কামত জড়িত আছিল। আজি পুৱা তেখেতৰ মৃত্যুৰ বাতৰি বিয়পি পৰা লগে লগে তেখেতৰ বাসগৃহত অজস্ৰ গুণমুগ্ধই অন্তিম দৰ্শনৰ বাবে ভিৰ কৰেহি।