ছয়গাঁৱৰ টি চি পি এলৰ ছাত্ৰ-ছাত্ৰীৰ মাজত শিক্ষণ সামগ্ৰী বিতৰণ

কামৰূপ জিলাৰ ছয়গাঁৱৰ ছাটাবাৰীত অৱস্থিত টি চি পি এল পেকেজিং লিমিটেডৰ সামাজিক দায়বদ্ধ আঁচনিৰ পৰা সুৰক্ষা ট্ৰাষ্টৰ জৰিয়তে ছাটাবাৰী প্ৰাথমিক বিদ্যালয়, পানেৰী প্ৰাথমিক বিদ্যালয়, কুৰশালা প্ৰাথমিক বিদ্যালয়, লামপাৰ প্ৰাথমিক বিদ্যালয় আৰু বাঘৰডিয়া প্ৰাথমিক বিদ্যালয়ত শিক্ষণ সামগ্ৰী বিতৰণ কৰা হয়৷ প্ৰথমমানৰ পৰা পঞ্চম শ্ৰেণীৰ ছাত্ৰ-ছাত্ৰীৰ মাজত প্ৰত্যেককেই এটা স্কুল বেগ, পেঞ্চিল বক্স, পানীৰ বটল, ১০খনকৈ বহী, পেঞ্চিল ১ পেকেটকৈ প্ৰতিখন বিদ্যালয়লৈ গৈ ছাত্ৰ-ছাত্ৰীৰ মাজত বিতৰণ কৰা হয়।

লগতে ছাটাবাৰী প্ৰাথমিক বিদ্যালয় আৰু কুৰশালা প্ৰাথমিক বিদ্যালয়ত ৫ যোৰকৈ ডেস্ক-বেঞ্চ প্ৰদান কৰা হয়। 
উক্ত বিতৰণ অনুষ্ঠানত টি চি পি এল পেকেজিং লিমিটেডৰ পৰিচালক প্ৰণৱজিৎ হাজৰিকা, বাণিজ্যিক পৰিচালক সুৰেন্দ্ৰ সৌখানী, মানৱ সম্পদ বিষয়া শ্যমল দে', ধ্ৰুৱ নাথ, দিপাংকৰ ৰাজকোঁৱৰৰ লগতে প্ৰাক্তন ছাত্ৰ নেতা গোপাল দাস উপস্থিত থাকে।