তামুলপুৰত ৪ জুৱাৰী আটক

বাক্সা জিলা তামুলপুৰ আৰক্ষী থানাৰ অন্তৰ্গত বৰখাটা চকত নিশা এক জুৱাৰ ঘাটি উৎখাত কৰে। লগতে চাৰিজন জুৱাৰী আটক কৰিবলৈ সক্ষম হয়। আটকাধীন জুৱাৰী চাৰিগৰাকী হৈছে চুনফু ব্ৰহ্ম, চমেন বড়ো, আব্দুল লতিব আৰু ৰিন্টু আলী। উল্লেখ্য যে তামুলপুৰ মহকুমা আৰক্ষী বিষয়া অসীমা কলিতা আৰু তামুলপুৰ আৰক্ষী থানাৰ ভাৰপ্ৰাপ্ত আৰক্ষী বিষয়া অসীম বৰাৰ নেতৃত্ব আৰক্ষী দল এটাই এক গোপোন সূত্ৰৰ পমখেদি বৰখাটা চ'কত অভিযান চলাইছিল। 

অভিযানকালত আৰক্ষীৰ দলটোৱে ঘাটিটোৰ পৰা জুৱাৰ সামগ্ৰী, নগদ ধন ৩,০১০ টকা, চাৰিটা মোৱাইল, দুখন বাইক জব্দ কৰি থানালৈ লৈ আনে। জব্দকৃত বাইক দুখনৰ নম্বৰ এ এছ-০১ এ এন-৪৬২০ আৰু এ এছ-০১ টি-৫৬৩১। ইপিনে জুৱাৰী চাৰিজনৰ বিৰুদ্ধে তামুলপুৰ থানাত এটা গোচৰ ৰুজু কৰি জে'ল হাজোতলৈ প্ৰেৰণ কৰে।