চিএবি বাতিলৰ দাবীত ডবকাত অনশন

ডবকাৰ পৰা জমিৰ উদ্দিন তালুকদাৰ 
নাগৰিকত্ব সংশোধনী বিধেয়ক-২০১৬(চিএবি) বাতিলৰ দাবীত আজি সদৌ অসম ছাত্ৰ সন্থাই আহ্বান জনোৱা ১০ ঘন্টীয়া অনশন কাৰ্যসূচীৰ লগত সংগতি ৰাখি ডবকাতো আঞ্চলিক ছাত্ৰ সন্থাই প্ৰতিবাদী অনশন কাৰ্যসূচী ৰূপায়ণ কৰিছে ৷ ডবকা আঞ্চলিক ছাত্ৰ সন্থাৰ উপদেষ্টা ছাদ্দাম হুছেইন তালুকদাৰৰ নেতৃত্বত আছু কৰ্মীয়ে ডবকা চহৰত এই অনশন কাৰ্যসূচী পালন কৰিছে ৷

প্ৰতিবাদীসকলে নাগৰিকত্ব সংশোধনী বিধেয়ক বাতিল কৰক, অসম চৰকাৰ হায় হায়, বিজেপি চৰকাৰ মুৰ্দাবাদ, অসম চৰকাৰ মুৰ্দাবাদ, আমাৰ দাবী মানিবই লাগিব, নাগৰিকত্ব বিধেয়ক বাতিল কৰক আদি ধ্বনি দি পৰিৱেশ উত্তাল কৰি তোলে৷