নগাঁৱৰ বিশিষ্ট অভিনেতা, নটসূৰ্য্য বঁটাপ্ৰাপ্ত জ্ঞানদা বৰাৰ মৃত্যু

জুৰীয়াৰ পৰা উত্তম বৰা 
বিশিষ্ট অভিনেতা, নটসূৰ্য বঁটা প্ৰাপ্ত জ্ঞানদা বৰাৰ আজি পুৱা পৰলোকপ্ৰাপ্তি ঘটে৷ নগাঁৱৰ জি ডি হস্পিতালত পুৱা ৫-১৫ বজাত শেষ নিশ্বাস ত্যাগ কৰে প্ৰবীন নাট্যকৰ্মীগৰাকীয়ে ৷

দীৰ্ঘদিন ধৰি চিকিৎসাধীন হৈ আছিল ৮৬ বছৰীয়া নাট্যকাৰগৰাকী । নাটক, দূৰদৰ্শনৰ ধাৰাবাহিক আৰু কথাছবিত অভিনয় কৰি ৰাইজৰ মন জয় কৰিবলৈ সক্ষম হৈছিল শিল্পীগৰাকীয়ে ৷ তেওঁৰ মৃত্যুৰ খবৰ বিয়পি পৰাৰ লগে লগে সমগ্ৰ নগাঁও জিলাত শোকৰ ছাঁ পৰে ৷ বিভিন্ন অনুষ্ঠান-প্ৰতিষ্ঠানে শোক প্ৰকাশ কৰাৰ লগতে বিদেহ আত্মাৰ চিৰশান্তি কামনা কৰে৷