গোলাঘাটত বিশাল জোঁৰ সমদল

গোলাঘাটৰ পৰা মীনাক্ষী ফুকন
আজি গোলাঘাটত নাগৰিকত্ব সংশোধনী বিধেয়কৰ বিৰুদ্ধে হাতে হাতে জোঁৰ লৈ ওলাই আহিল হাজাৰ হাজাৰ ছাত্ৰ-কৰ্মী তথা ৰাইজ । গোলাঘাট জিলা ছাত্ৰ সন্থাৰ উদ্যোগত গোলাঘাট চহৰৰ বেজবৰুৱা চাৰিআলিস্থ জিলা কাৰ্যালয়ৰ একত্ৰিত হ'ল জিলাখনৰ বিভিন্ন প্ৰান্তৰ পৰা অহা ছাত্ৰ-কৰ্মী তথা ৰাইজসকল।

সকলোৱে একেস্বৰে বিজেপি চৰকাৰৰ বিৰুদ্ধে শ্লোগান দি বিধেয়কখনৰ বিৰোধিতাৰে গোলাঘাটৰ আকাশ-বতাহ কঁপাই তোলাৰ লগতে বিধেয়কৰ বিৰুদ্ধে সজাগতাৰ সৃষ্টি কৰি ৰাজ্য চৰকাৰৰ এনে জাতিদ্ৰোহী মনোভাৱক ত্যাগ কৰাৰ হুংকাৰ দিয়ে সকলোৱে।