গুৱাহাটীৰ পৰা গুজৰাটলৈ পোনপটীয়া বিমান সেৱা আৰম্ভ

ছয়গাঁৱৰ পৰা কাকলি নাথৰ সহযোগত নীহাৰিকা তালুকদাৰ
অসমৰ আকাশী যাতায়াত ব্যৱস্থাত এক নতুন সংযোজন। আজিৰ পৰা গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ বিমানবন্দৰৰ পৰা গুজৰাটৰ আহমেদাবাদলৈ পোনপটীয়া এক বিমান সেৱা আৰম্ভ হয়। কেন্দ্ৰীয় চৰকাৰৰ উড়ান আঁচনিৰ অধীনত বিমান সংস্থা স্পাইচ জেটে এই প্ৰত্যক্ষ বিমান সেৱা আজিৰে পৰা আৰম্ভ কৰে।

জানিব পৰা মতে দেওবাৰৰ বাহিৰে সপ্তাহৰ বাকী দিনকেইটাত এই বিমান সেৱা চলিব। সোমবাৰৰ পৰা শনিবাৰলৈ বিয়লি ৪.০৫ বজাত আহমেদাবাদৰ পৰা বিমানখনে যাত্ৰা আৰম্ভ কৰিব আৰু সন্ধিয়া ৭.১০ বজাত বৰঝাৰ বিমানবন্দৰত উপস্থিত হ’ব।